Reviews of Monteverdi Restaurant
EUGENIA CHENG
中環食lunch大把選擇，但要揀性價比最高嘅餐廳，就要花啲心思。呢間餐廳來自意大利米蘭，加靚靚古典裝修，估唔到嘢食仲更加有驚喜。
Soup of the Day (Pumpkin Soup) / Salad
味道偏甜，口感非常濃厚，好似韓國嘅南瓜粥。沙律幾新鮮，ok啦。
Grilled Rib-Eye Steak & Char Grilled Salmon（推介）
佢嘅Grill做得相當出色，充滿炭燒嘅味道，而且仲有一行行Grill嘅痕跡，熱力分布得好均勻，成塊扒熟嘅程度一樣，Grill得好淋而且帶起牛扒同三文魚香。唯一唔夠好嘅係牛扒比較薄身，三文魚size都係剛剛好夠食。
總體來講呢度嘅Grill都好值得推介！
Panna Cotta（推介）
以甜品黎講，加上橄欖油同少少沙律菜都幾創新，最估佢唔到嘅係成個味道都好夾，好似食緊burrata cheese一樣，同樣有濃厚好似cheese一樣嘅口感，但又有清新嘅感覺。
Monteverdi is a small restaurant in Central, the dim light and setting shape a cozy ambiance for relaxing or romantic meals.
We came on a weekday, the restaurant isn’t full. The environment is quiet enough for chatting.
We ordered 3 dishes, enough for 2 ppl though portions aren’t big
Mussels ($210)
Quite different from the Belgium-style soup base mussels which I usually had. The chilli red sauce is a bit spicy (but not too much) and goes surprisingly well with the mussels, served with bread.
The bread is filling up our stomach lol
Vincisgrassi ($240)
The classic Lasagne of the Marche region is one of the signature dishes here. The rich flavour won’t disappoint you. Very filling.
Grilled Lamp Chop ($378)
Not tough although we asked for medium well. Quite good.
Overall not bad, though portion is a bit small. Do not forget to enjoy 30% off from OpenRice booking.
BB
嚟到呢間高級西餐廳Monteverdi，裝修格局都好華麗，仲有個擺滿紅酒嘅擺設架，枱櫈餐具都用上格調高級嘅風格， 燈飾都十分之精緻， 夜晚黎真係會好有情調。
但今次呢我就lunch time黎，叫咗佢個lunch set，
佢包咗個餐包做頭盤嘅，而且仲提供返正宗嘅醋同埋橄欖油做調味 ，食落呢都幾好食， 主要係佢個包夠曬熱同埋脆。
之後就嚟咗我沙律正正常常，餐湯方面有煙肉忌廉湯 煙肉非常之有口感。
主食方面叫咗個炸龍蝦，龍蝦上面啲炸蒜都幾多，蝦肉食落都幾彈牙爽口，而且都唔會冇咗鮮味， 整體感覺良好。
另外就叫咗個肉眼扒五成熟，上碟火候控制得啱啱好，而且個碟都係熱嘅，睇得出餐廳安排得幾細心， 肉眼味道都幾唔錯，食落好嫩口。
最後甜品都幾好味，咬落好軟綿綿，而且唔會太甜，最後食完呢個真係好滿足。
中環附近一向多好野食😋好多時揀餐廳已經揀到眼花繚亂。今次就同朋友試左呢間睇上去幾正中嘅意大利餐廳🥂
✨Calamari Rings ($140)
我地叫左呢道魷魚圈作為前菜，微微烤焦嘅魷魚圈撈埋特調嘅忌廉汁食，味道微咸；口感彈牙得黎唔會太韌。
✨Vincisgrassi （$230）
經典嘅意大利肉醬千層面，最外層係烤焦左嘅cheese, 裏面夾滿左層層嘅肉醬，成個texture 唔會較乾身唔會太濕，味道非常唔錯😋
✨Grilled Pork Chop ($348)
另一道main course, 呢個豬扒我就覺得唔算話好特別，同平時港式西餐廳食到嘅煎豬扒分別唔大，所以性價比相對較低。
放工約左朋友中環搵食，朋友帶左我去一間上樓嘅高級餐廳 Monteverdi Restaurant & Bar ，餐廳裝修高格，燈光柔和，坐位亦相當舒適，牆上仲掛滿一排排紅酒做裝飾，又靚又貴氣。係間可以同朋友慢慢坐低食嘢傾計嘅好地方。
Parma ham ,salami with artichoke and olives🫒
一路以為Parma ham最好配搭係哈蜜瓜，但原來配醃製過嘅洋薊同橄欖🫒都係一流👍🏻⋯⋯由比較淡味嘅salami開始食起，中途再食粒橄欖洗擦一下味蕾先再嚐Parma ham😆。Parma ham切到好薄，側邊帶點油花，卷成一圈圈，入口油花飛彈，咸度唔太強，好岩我口味。
Spaghetti with shrimps 🍝
呢個上枱好有驚喜，好特別嘅擺盤，包住意粉嘅牛油紙應該係連同意粉一齊入爐烤焗，牛油紙兩邊仲有金黃燒焦顏色😆。意粉係我鍾意嘅扁意粉，煙煙韌韌有彈性，每條都均勻掛上醬汁，仲有好多三文魚粒同蜆肉墊底； 主角，烤大蝦熟度剛好，又爽又彈牙，呢個我真心推介👍🏻。
Roasted chicken 經過慢煮，雞肉變得非常淋滑，胸嘅位置都唔會鞋口，非常好味；烤薯我都唔當係配角😆因為實在太好味，入口粉糯，薯味濃郁😋
Panacotta 呢個奶凍加入香草🌿同欖欖油，令味道提升之餘，仲倍添幼滑感，唔太甜，非常好嘅飯後甜品
FAREWELL同事食好D！
心目中就係想搵間近公司又靜靜哋嘅地方
上網就SEARCH到呢喺The Loop7樓嘅Monteverdi 食正宗意大利菜
一入去比到我幾舒服嘅感覺
檯與檯之間又夠空間感， 食飯傾偈都好適合
侍應以英文為主， 非常NICE
如果唔知食咩可以等佢介紹～
MUSSELS $270
雖然唔算好大隻， 不過就肉質飽滿煮得好入味
有麵包配上， 可以點埋D汁一齊食
Tagliatelle WITH GUANCIALE $198
GUANCIALE 其實係意大利式烟肉嚟，用猪的面頰醃製而成
食落去肉味更鮮明，
意大利扁卷面煮出Al dente韌度口感份外好味
GRILLED RIB EYE 8oz $378
medium grilled 得perfect池
肉眼油花豐富，
口感軟腍咬落有明顯的油脂，牛肉多汁味重
好彩侍應有推薦比我地
食得好滿足！
整體餐廳坐得舒服， 食物質素非常高， 服務好好
係無得飛嘅日子食到正宗意大利菜， 可以算係舌尖同心靈上嘅滿足.
中環有間樓上餐廳裝修得好有歐陸風格，所有擺設同佈置加埋放左好多酒類出嚟感覺好有歐陸風。今日點左兩個午餐有前菜、主菜、甜品同飲品。
前菜有雜菜沙律、餐湯同麵包。主菜點左兩款一個係烤肋眼牛排我選擇左5成熟配埋黑椒汁，肉質好嫩滑配燒蔬菜好好味👍🏻👍🏻👍🏻另一個餐點左炭烤三文魚底部就有奶油菠菜夾埋好清新好健康一d都唔油配埋烤蔬菜值得一試。
甜品係朱古力蛋糕，飲埋杯咖啡☕️同檸檬茶就好完美一個午餐。
同個好耐冇見嘅朋友聚舊，實有排傾。於是我哋揀咗呢間位於中環嘅意大利餐廳，鍾意佢環境寧靜，又啱傾計，而且大家都鍾意食傳統嘅意大利菜。
地點非常方便，佢係喺威靈頓街嘅樓上餐廳，收工後約食飯大家都就腳。
首先嚟嘅係 切咗粒嘅蒜蓉包。 我地有啲點咗橄欖油塘黑醋食，有啲留返之後用嚟點主菜嘅汁食。 個麵包質地有少少脆，味道都唔錯。
魷魚都幾彈牙，烤過會提升咗香味。 另外下面有沙律菜嘅墊底，撈咗蛋黃醬。
整體都好好食，呢個惹味嘅前菜，我同朋友都好鍾意。
係一個傳統嘅home made 做法嘅肉醬千層麵，裏面有免治豬肉同免治牛肉， 一切開就見到肉嘅份量都幾多，而麵嘅質地都幾彈牙。
整體口感豐富，好好食。雖然望落去唔太大份，但係都好夠飽，因為佢比較濃縮。
呢個主菜不得了! 侍應一放低已經聞到撲鼻嘅香味!
個豬扒好粉嫩又juicy，脂肪同肉嘅比例啱啱好，每一啖都好香口，而且廚師煎到豬扒表面有微微嘅脆，廚藝值得一讚。
真係超級超級好食! 呢個我同朋友都勁推薦。
配菜有車厘茄，同埋用煙肉包住嘅肯尼亞豆。
車厘茄有微微嘅辣調味，都幾好食，而且份量都唔少，感覺幾健康。
煙肉包肯尼亞豆，呢個組合都夾，我第一次食肯尼亞豆，青味唔重，都唔錯㗎。
個人覺得，呢個千層麵同平時出面食到嗰啲係唔同㗎。
侍應推介我哋叫呢款甜品，話喺menu上面冇嘅，係一個傳統嘅意大利甜品。
Mascarpone 係一種意大利 嘅芝士 佢非常之軟滑，有啲似食緊乳酪咁，芝士味唔係好重， 所以唔會蓋過雲呢拿嘅味道，令到兩者嘅味道都發揮到，融合為一，味道又夾。
呢個甜品好特別，我同朋友都係第一次食。
呢餐食得好飽呀! 每樣食物都高質好食，而且 侍應有禮貌態度好好，環境又舒適。
我同朋友都好開心喺度食到餐好食嘅傳統意大利菜， 又可以靜靜地傾下偈，大家都好鍾意呢度。
嚟到中環區想搵一間舒適嘅西餐廳都唔容易呀，知道有一間正宗嘅意大利菜環境都比較舒適㗎同朋友坐低傾吓計慢慢嘆番個午餐
Set Lunch
同朋友一齊order同一款嘅lunch set
餐湯係忌廉湯，灑上煙肉碎湯底更加濃郁已忌廉湯裏面口感咁香滑
仲有法包麵包麵包裏便有香草說香草🌿點上橄欖醋汁麵包，好食到停唔到口，好開胃㗎
✨Grilled rib-eye steak
本身我好鍾意食牛扒，所以揀咗嗰兩set同一樣牛排用炭燒5成熟牛扒，中間有少少粉紅啱啱好5成熟，口感軟腍腍，外邊香口無比因用炭燒，令到成塊牛扒鮮味提升更香口，側邊伴菜有燒過青椒🫑青瓜茄子🍆中和返牛肉唔油膩感黑椒汁好香濃口感更加香口
✨甜品 🍮杏仁蛋糕
細細件蛋糕仔啱晒我口味又唔會太油膩裏面仲有杏仁片，食到蛋糕微甜 帶有點點脆口又有口感
最後餐飲叫咗杯凍檸茶 甘香紅茶味帶少少酸一點唔苦澀味，飲番杯解暑
開得係中環嘅餐廳 ， 大概都非常有情調.
Hand made trofie in pesto sauce，$218。 手製麵口感非常煙韌， 青醬味道非常濃郁， 如果鍾意青醬嘅人應該會非常喜愛。
Mixed meat grill，$428。 裏面含有好多種不同肉類， 其實就係雜扒餐， 肉眼牛扒同埋羊架係重點菜， 加埋鐵板好有香港情懷。
平時食開意大利菜唔喺薩莉亞就港式湯炒意粉 今次嚟見識傳統意大利餐廳🇮🇹～
店員會留意客人食嘢進度，食完收碟後下一道菜唔洗等太耐，地方細細服務好好！
店員先送上意大利香草麵包沾沾橄欖油及黑醋食用～
Calamari Rings
烤得超級香啊！聞落去就有好香嘅魷魚味！大大個烤魷魚圈圈，配以蛋黃醬，表面撒上香草，烤魷魚圈超彈牙！好容易就咬得開，唔會咬唔爛咁.
Chitarra Spaghetti with Shrimps in Saffron Cream Sauce
Chitarra是義大利文中的吉他的意思，又名弦麵，麵條粗粗就好似日式粗拉麵咁，口感超煙韌，每條帶點微曲超級掛汁！醬汁喺番紅花忌廉汁，質感超Creamy之餘，味道
小知識：弦麵由於是以有著如琴弦一樣，一條條拉直拉緊的了的金屬絲線的木製框工具「弦麵切麵機」（Chitarra Pasta Cutter）所切成，故名弦麵。
Grilled Pork Chop
格仔紋烤厚豬扒，豬扒好厚肉！豬扒外層至內層都好軟腍，喺一啲都唔韌啊
仲有煙肉卷,煙肉油份比較重，包著爽口嘅肯亞法邊豆
配菜超多烤車厘茄,外層烤得香香，咬落去車厘茄酸酸清新嘅汁吱出嚟，清除油膩感一流！
Panna cott
意大利傳統甜品，表面加了橄欖油，質感類似牛奶布甸🥛當中帶點羅勒葉香味，每口奶滑奶香味濃，好特別嘅甜品！
第一次試呢間意大利餐廳，係一間門口未必好吸引嘅小店，但其實啲意粉好有水準，今晚叫咗呢個墨魚汁意粉配肉醬、石斑魚柳同意大利青瓜，意粉al dente 就一定㗎啦，肉醬味道濃而不膩，再加少少魚肉鮮味，係好味嘅！
雖然價錢唔算親民，不過間中食下都值得，因為喺香港要搵好食意粉唔容易。
Great food, great service!
Great homemade pasta and genuine Italian hospitality.. you cannot ask for more.
